Hvers vegna þurfa aldraðir að búa við lægri laun en aðrir?

Á íslandi býr fólk við það að vera skyldugt að leggja í lífeyrissjóð. Um það gilda ákveðnar reglur hvernig skipting milli hlutar launþega og vinnuveitanda skal vera. Í almenna lífeyrissjóðakerfinu er skiptingin þannig að hlutur launþega skal vera 4% af launum og hlutur vinnuveitanda skal vera 8%.

Nú er það þannig að þegar kemur að ellilífeyrisaldri dugir þetta ekki til að greiða full laun eins og þau hafa verið um ævina, heldur er um stórlækkun launa að ræða þegar fólk er hætt að vinna.  Vitað mál er að aðsæður fólks eru mismunandi og getur það verið afar íþyngjandi fyrir sumt fólk að mæta þessum tekjumissi þó aðrir hafi náð að leggja fyrir varasjóð sem gerir þeim kleift að halda svipuðum mánaðartekjum og áður.

 Ef skipulaginu væri breytt og framlög í sjóðina hækkað ofurlítið ætti það að duga til að greiða sömu laun eða svipuð og fólk hefur haft að jafnaði yfir ævina og ætla má að það mundi létta mörgum lífið sem ekki hafa náð að byggja upp varasjóð um ævina til að mæta þessu tekjutapi á elliárunum.

Athugasemdir

[Ellismellur (IP-tala skráð) 8.12.2007 kl. 23:21]

http://gudmundur.eyjan.is/2007/12/blgnir-lfeyrissjir.html

Bendi þér á ofangreinda slóð, þar sem má finna staðgóðan fróðleik um lífeyrissjóði, ritaða af manni sem gjörþekkir þessi mál og á máli sem allir skilja.